UNDP ka publikuar sot raportin e Pulsit Publik, raport ky që mat kënaqësinë e qytetarëve me institucionet vendore.
Sipas këtij raporti, qytetarët e Kosovës kanë rënie të kënaqshmërisë me kryeministrin Kurti, derisa ka pasur rritje kënaqshmëria me presidenten Vjosa Osmani-Sadriu, raporton Gazeta Sinjali.
Megjithatë, në këtë raport është vënë re rritja e kënaqshmërisë me Zyrën e Kryeprokurorit.
Ky raport, është hartuar gjatë kohës kur në krye të kësaj zyre ishte ish-kryeprokurori Aleksandër Lumezi.
Sipas raportit të UNDP-së, kënaqshmëria e qytetarëve me zyrën e kryeprokurorit është rritur për 34%.
Lumezi është njëri prej personave më të kritikuar nga pushteti aktual, prirë nga kryeminsitri Albin Kurti e ministrja e Drejtësisë Albulena Haxhiu.
“Le të ecë Lumezi që të kthehet Elezi”, thoshte Kurti gjatë fushatës elektorale.
