Konsullata e Përgjithshme e Republikës së Kosovës në Nju Jork njofton se, prej datës 26 janar 2021, rregullat e hyrjes përmes transportit ajror ndërkombëtarë në SHBA do të ndryshojnë.
Duke filluar nga data 26 janar 2021, të gjithë udhëtarët e linjave ajrore që udhëtojnë për në Shtetet e Bashkuara të Amerikës (SHBA) të moshës nga dy vjeç e më lartë duhet të paraqesin një vërtetim me shkrim (në gjuhën angleze) që nuk kanë virusin SARS-CoV-2 (COVID-19), Vërtetimi duhet të jetë i lëshuar jo më herët se tre ditë kalendarike nga dita e udhëtimit. Si alternativë, udhëtarët për në SHBA, mund të paraqesin dokumentacion nga një institucion shëndetësor i licensuar se janë shëruar nga COVID-19 në 90 ditët para udhëtimit.
Sipas Qendrës për Kontrollin e Sëmundjeve (CDC) këto masa, të kombinuara me masat mbrojtëse të përditshme si mbajtja e maskave dhe distancimi social, do të bëjnë që udhëtimet të jenë më të sigurta, më të shëndetshme dhe më të garantuara për mospërhapjen e virusit në avione, aeroporte.
Për të rejat më të fundit që i referohen COVID-19, luteni të kontrolloni faqen e internetit të Qendrave të Kontrollit dhe Parandalimit të Sëmundjeve (CDC) si në vijim;
https://www.cdc.gov/coronavirus/2019-ncov/travelers/testing-international-air-travelers.html/RTK