Nga dita e mërkurë më 17 mars nuk do të ketë transport të udhëtarëve urban-periferik dhe ndër urban në gjithë vendin për shkak të mos përmbushjes së marrëveshjes ndërmjet Shoqatës së Transportit Rrugor të Udhëtarëve dhe Ministrisë së Infrastrukturës për subvencionin e operatorëve të transportit.
Këtë protestë e ka paralajmëruar kryetari i kësaj shoqate Ruzhdi Kurtishaj pas takimit me këshillin drejtues.
Kurtishaj theksoi se ky sektor ka pasur humbjet më të mëdha në aspektin ekonomik për shkak të vendimeve të Qeverisë për parandalimin e përhapjes së virusit Covid-19.
Kurtishaj: Jemi i vetmi sektor që kemi pasur humbjet më të mëdha
Video
“Me keq ardhje dua t’i njoftoj të gjithë opinionin e gjerë, gjithë qytetarët dhe iu kërkojmë falje se nga data 17 mars përkatësisht nga dita e mërkurë Shoqata e Transportit Rrugor të Udhëtarëve pran Odës Ekonomike, sapo mori vendimin për të hyrë në protestë për shkak të mos përmbushjes së premtimit, për shkak të mos përmbushjes së marrëveshjes, e cila është nënshkruar nga ana e Ministrisë së Infrastrukturës dhe Shoqatës së Transportit Rrugor. Jemi i vetmi sektor në Kosovë që kemi pasur humbjet më të mëdha në aspektin ekonomik për shkak të keq menaxhimit nga Qeveria me Covid-19. Andaj, si rezultat i vendimeve të gabuara ne është dashur që për tre muaj ta ndërpresim punën, pas fillimit të punës më 1 qershor prapë ne me vendimet e qeverisë jemi atakuar duke mos na lejuar të shfrytëzojmë 100 përqind kapacitetin e autobusit në ulëse, por kemi punuar vetëm 50 përqind”, theksoi Kurtishaj.
Ai po ashtu tha se protesta do të vazhdon në forma të ndryshme, derisa të përmbushen kërkesat e premtuara nga Qeveria.
Kurtishaj: Kjo protestë do të zgjas deri në rutilizmin e premtimeve
Video
“Sot Këshilli drejtues I shoqatës ka vendosur nga data 17 mars i gjithë sektori publik i transportit rrugor të udhëtarëve të ndërpritet edhe në transportin urbano periferik edhe në transportin ndër urban. Andaj, ne për detaje të tjera rreth mënyrës së protestës se sa autobus do të vijnë në Prishtinë, a do të vijnë 500 autobus të parkohen para qeverisë apo 1 mijë autobus, ose 1 mijë punëtorë, kjo do të mbetet me u parë në hapat që do t’i ndërmarrim në vazhdimësi gjatë kësaj mbledhje. Por është shumë me rëndësi, që Këshilli Drejtues I Shoqatës në mënyrë unanime ka vendosur që të fillohet me protestë nga data 17 mars, pra nga dita e mërkurë nuk do të ketë asnjë lloj të transportit rrugor të udhëtarëve as nga fshati në qytet, por as nga qyteti në qytete të tjera. Kjo protestë do të zgjas deri në realizimin e premtimeve sa i përket marrëveshjes që kemi bërë ne me Ministrinë e Infrastrukturës”, tha ai.
Ndërsa, në fund tha se Qeveria në detyrë dhe ajo që do të vij pas saj mos t’i trajton operatorët e transportit si sektor pa ndikim në ekonomi.
Kurtishaj: Qeveria mos t’i trajtoj operatorët e transportit si sektor pa ndikim në ekonomi
Video
“Masat e protestës sigurisht që do të ashpërsohen, dhe për këtë qëllim unë I bëj thirrje kryeministrit dhe ministrave në detyrë të Infrastrukturës, por mbi të gjitha i bëj thirrje ministrit në detyrë të Financave që ta marrin seriozisht kërkesën e shoqatës. Ministri Financave mos t’i trajtojë orëtarët e transportit publik të udhëtarëve si sektor pa ndikim në ekonomi, sepse ne kemi një kontribut të madh qoftë në krijimin e buxhetit të Kosovës dhe me punësime me mbi 6 mijë të punësuar. Transporti është nyje e zhvillimit ekonomik dhe shoqërisë”, pohon ai.
Kjo shoqatë ka një numër të madh të anëtarëve nga operatorët e transportit rrugor që pritet t’i përgjigjen kësaj thirrje për protestë./I. Shabani/ KosovaPress