Qarkullimi në magjistralen Prishtinë-Ferizaj është vështirësuar si pasojë e reshjeve të pandërprera të borës.
Kjo ka bërë që disa vetura që po qarkullonin në këtë rrugë në orët e mbrëmjes të humbin drejtimin dhe të dalin jashtë rrugës, gjë të cilën e dëshmojnë fotografitë e postuara në Facebook nga ATV.
Edhe pse Ministria e Infrastrukturës ka bërë të ditur se të gjitha rrugët janë të kalueshme për automjete, disa rrugë duket se janë të pa pastruara sikur ajo Prishtinë-Pejë dhe Prishtinë-Podujevë.
Policia e Kosovës ka bërë apel të gjithë pjesëmarrësve të automjeteve për kujdes të shtuar në komunikacion për shkak të reshjeve të borës dhe ngricave në rrugë. /KP