Ndërron jetë ish-pjesëtari i UÇK-së

- in Lajme

Ish-pjesëtari i UÇK-së, Hasan Hasani nga Smolica ka ndërruar jetë.

Kjo është bërë e ditur nga kryetari i AAK-së, Ramush Haradinaj përmes një postimi në Facebook.

Haradinaj thotë se Hasani ishte i angazhuar në luftën çlirimtare që nga fillimi i saj dhe se gjatë luftës kishte kryer detyrën e komandantit të shtabit lokal të UÇK-së në Smolicë.

Postimi i plotë:

Me pikëllim mora lajmin për ndarjen nga jeta të mikut dhe bashkëluftëtarit tim Hasan Hasani nga Smolica.

Hasani ishte i angazhuar në luftën çlirimtare që nga fillimi i saj me të gjithë dijen e tij ushtarake dhe kreu me nderë detyrën e komandantit të shtabit lokal në Smolicë.

Ngushëlloj familjen, bashkëluftëtarët dhe të gjithë ata që e njohën.

Baca Hasan u prehtë në paqe!

RH/KP