Deputetja e Partisë Demokratike të Kosovës (PDK), Ganimete Musliu e ka konsideruar shantazh, siç u shpreh ajo, kërcënimin se nëse nuk zgjidhet Vjosa Osmani presidente, atëherë vendi shkon në zgjedhje të reja.
Ajo në një postim në Facebook ka thënë se PDK nuk ka asnjë përgjegjësi për krijimin e institucioneve të reja, pasi një gjë e tillë i takon shumicës parlamentare.
“Partia Demokratike e Kosovës s’ka asnjë përgjegjësi dhe obligim për krijimin e institucioneve të reja. Është obligim i shumicës parlamentare që t’i zgjedhë kryeparlamentarin, kryeministrin dhe presidentin. Kërcënimi se nëse nuk zgjidhet Vjosa Osmani presidente shkojmë në zgjedhje të reja, është shantazh”, shkruan Musliu.
Ndryshe, deputetja nga radhët e Lëvizjes Vetëvendosje Mimoza Kusari-Lila ka thënë se nëse nuk zgjidhet Vjosa Osmani presidente, vendi do të shkojë në zgjedhje të reja.
Postimi i plotë pa ndërhyrje:
Partia Demokratike e Kosovës s’ka asnjë përgjegjësi dhe obligim për krijimin e institucioneve të reja.
Është obligim i shumicës parlamentare që ti zgjedh Kryeparlamentarin, Kryeministrin dhe Presidentin.
Kërcenimi se nëse nuk zgjedhet Vjosa Osmani Presidente shkojmë në zgjedhje të reja është shantazh.
Partia demokratike e Kosovës nuk shantazhohet. Shkojmë në zgjedhje kur të doni, ama shumica parlamentare duhet të mbajë përgjegjesi nëse për pazotesine e saj për të ti zgjedhur organet shtetrore vendi shkon në zgjedhje të reja./KP