Shumë qytetarë kanë shkuar ‘me vrap’ drejt marketeve ditëve të fundit, pas rritjes së çmimit dhe frikës së mugesës së produkteve ushqimore. Kjo ka ngjallur reagime nga më të ndryshmet.
Së fundmi deputetja e PDK-së, Ganimete Musliu, ka komentuar këtë situatë, përcjell Periskopi.
Sipas Musliut, nuk duhen fajësuar qytetarët për këto veprime për arsye se “e dijnë çka do të thotë të mos kesh bukë për fëmijë”, duke iu referuar se “të gjithë qytetarët e Kosovës që janë mbi moshën 25 vjeçare janë dëshmitarë të luftës së fundit në Kosovë”.
“Të gjithë qytetarët e Kosovës që janë mbi moshën 25 vjeçare janë dëshmitarë të luftës së fundit në Kosovë. Është e natyrshme që në kohë krizash ata rikthehen në përjetimet e tyre, në vuajtjet dhe peripetitë që kanë përjetua.
Për këtë arsye nuk duhet të fajsohen nëse blejnë artikuj ushqimorë me shumicë sepse shumica prej tyre e dijnë çka do të thotë të mos kesh bukë për fëmijë”, tha Musliu.
Ajo më tutje shtoi edhe disa arsyeje të tjera duke e përmendur natyrën e njeriut dhe përballimin financiar të anarkisë së çmimeve.
“Arsyeja tjetër është thjeshtë natyra e njeriut si qënje që në kohë krizash dominohet nga egoizmi dhe instinkti për të mbijetuar.
Një arsye e tretë është përballimi financiar i anarkisë së çmimeve”, shtoi Musliu.
Në fund deputetja e PDK-së, la hapësirë për të kritikuar Qeverinë në këtë kohë krize, më konkretisht kryeministrin Kurti, ku edhe ia bëri me dije që kanë obligim t’i qetësojnë qytetarët në këtë kohë.
“Prandaj, është shumë me rëndësi që në kohë krizash, qeveria ti qetësoj qytetarët e vet duke i siguruar se situata është nën kontrollë.
Në një vend ku kryeministri nuk merret me grumbulluesit e miellit por kërkon nga qyretarët ta kthejnë miellin e blerë, nuk mund të pritet që populli të besoj se ky kryeministër është në vete dhe se po kujdeset për ta.
Kryeministër ti dhe qeveria jote e keni obligim ti qetësoni qytetarët e jo të talleni me ta”, përfundoi deputetja Musliu./Periskopi/