Mbrëmjen e së premtës, Klina u trondit nga një ngjarje që ndodhi në fshatin Zllakuqan. Një mosmarrëveshje që më pas çoi në të shtëna me armë zjarri, la të vrarë Mark Ademin. Si i dyshuar kryesor për këtë rast siç ka raportuar Nacionale ëshrë Anton Ndrecaj.
Nga Prokuroria e Pejës që mbrëmë ishin në vendin e ngjarjes u konfirmua rasti duke thënë se personi i dyshuar është në ndalim 48-orësh.
“Jemi në vendin e ngjarjes. Të gjitha masat janë duke u ndërmarrë. Personi që dyshohet se ka kryer veprën penale është ndaluar me urdhërin e prokurorit të shtetit. I janë caktuar 48 orë. Po ashtu, janë duke u ndërmarrë të gjitha masat për të evidentuar personat e tjërë të përfshirë”, tha Shkodran Nikçi nga Prokuroria.
E policia e Kosovës ka marrë informatën rreth orës 18:20, ndërsa pas vrasjes janë arrestuar tre persona – Anton Ndrecaj dhe dy familjarë të tij. Zyrtarët policorë kanë zhvilluar bastisje në shtëpitë e të dyshuarve, ku ka gjetur dy snajperë, një pushkë gjuetie dhe një armë.
Familja Ademaj e Ndreçaj, mosmarrëveshjet në mes tyre në fshatin Zllakuqan të Klinësi nisën qysh herët të premtën. Si rrjedhojë në orët e pasditës pak pas orës 16:00, patrullat policore morën informata se një rrahje kishte ndodhur në vendin ku tashmë ka ndodhur vrasja.
Ekipet e policisë ishin nisur, porn ë vendin e ngjarjes, situate veçse ishte tensionuar.Krimi tashmë ishte bërë.
Nga të shtënat me armë zjarri, në vendin e ngjarjes i plagosur rëndë kishte mbetur një person, Mark Ademi.
Policia në vendin e ngjarjes fillimisht kishte arritur që ta kap të dyshuarin e parë, Ndue Ndrecaj i cili në raportimin e parë para policisë kishte thënë se është sulmuar nga familja Ademaj.
Policia tashmë po zhvillonte hetimet ku arriti t’I ndalojë tre persona, të familjes Ndrecaj sit ë dyshuar për këtë vrasje, në mesin e tyre edhe Anton Ndrecajn sit ë dyshuarin kryesor.
Tashmë i ndjeri fillimisht u dërgua në QKMF-në e Klinës, por më pas, nën përcjelljen e policisë, u transportua në Spitalin rajonal të Pejës, ku u konstatua se i njejti kishte vdekur.
Me rastin tashmë po merren organet e hetuesisë. Ndaj të dyshuarit kryesor, Anton Ndrecajt, prokurorja ka lëshuar urdhër për caktimin e masës së ndalimit prej 48 orësh, si i dyshuar kryesor për vrasjen e Mark Ademit./Nacionale.com/