Me qëllimin që të kërkoj dorëheqje, kryetari i Partisë Socialdemokrate, Dardan Molliqaj ia ka shpërndarë numrin personal të telefonin ministrit të Financave, Hekuran Muratit, shkruan Gazeta Sinjali.
Përmes një foto të postuar në profilin e tij në Facebook, Mulliqaj ka thënë se Murati nuk mund të jetë ministër i një Kosovë të çliruar prej UÇK-së.
“Hekuran Murati s’mund të jetë ministër i një Kosove të çliruar prej UÇK-së. Ministër Murati, dorëheqje!”, ka shkruar ai.
Ndërkohë, ditëve të fundit është bërë aktuale një status që ministri, Murati kishte shkruar më 1 tetor të vitit 2016, ku kishte deklaruar se për “këta tre muaj luftë të një ushtrie guerile dojnë me na dalë shumë ma shtrenjtë se ni ushtri e rregullt”.
Në status tutje thuhet se “Bile edhe mercenarë me pas angazhu na kish dalë ma lirë – 3 muj ka 2 mijë euro bajnë 6 mijë euro për kry – 20 mijë mercenarë (të përgatitun ushtarakisht) kishin me na kushtue veç 120 milionë euro gjithsej, Edhe as faleminderit s’kish pasë nevojë me ju thanë”.
