Rastet e dhunës kur personat sulmohen fizikisht në rrugë, po ashtu edhe në familje për probleme të ndryshme me anëtarët e shtëpisë, po shtohen në vendin tonë, gjithashtu po shkaktojnë edhe shqetësim. Një rast i fundit ka ndodhur në komunën e Mitrovicës, raporton Gazeta Sinjali.
Policia e Kosovës përmes raportit 24-orësh, ka bërë të ditur se një person është sulmuar fizikisht në rrugën “300 Dëshmorët” në Mitrovicë, nga disa persona të paidentifikuar.
Viktima nga goditjet e rënda ka pësuar lëndime trupore, me ç’rast i është nevojitur trajtim mjekësor.
Policia njofton se është duke e hetuar rastin për t’i zbuluar personat të cilët e kanë sulmuar viktimën.