Zakonisht në kompanitë e mëdha ku ka shumë punonjës, rastet e pushimeve për shkak të sëmundjeve, lehonisë ose ndonjë largimi tjetër janë më të shpeshta. Në rastet e tilla, kur ka largime “të detyruara” të punonjësve, një mirëseardhje speciale është gjithmonë e vlerësuar nga ata. Ngrohtësia e saj ndihmon në qetësimin e atij tranzicioni te punonjësi, por edhe të pjesa tjetër e stafit.
Më e preferueshmja do të ishte një letër ose email drejtuar punonjësit/punonjëses që është kthyer. Prandaj, më poshtë mund t’i gjeni shembuj të tyre për secilin lloj të largimit.
Zhvilloni një plan
Mos llogaritni që gjithçka ta bëni aty për aty kur punonjësi të kthehet! Krijoni një plan!
Orari i punës: A do të kthehet punonjësi “i tëri”, apo do t’i duhet të punojë vetëm më gjysmë orari? A do t’i duhet që të punojë me kohë fleksibile, më pak ditë gjatë javës, apo edhe punë nga distanca?
Vendosja: A do t’i duhet punonjësit/punonjëses ndonjë shërbim i veçantë në lidhje me akomodimin pasi të jetë kthyer, qoftë brenda zyrës së punës, qoftë në tualet, apo në secilën pjesë të kompanisë?
Zhvendosja: A do të duhet që ndonjërën nga punët t’i kryejnë ende punonjësit e tjerë? Gjithashtu, takohuni me punonjësit e tjerë për ta diskutuar gjendjen, në mënyrë që të krijohet rrymë më pozitive dhe më e kuptueshme, kur i kthyeri të jetë përsëri pjesë fizike e kompanisë! Por, nuk është e nevojshme të jepni detaje për largimin e tij, nëse është diçka shumë personale!
Përshëndetja: Përshëndetni personalisht punonjësin ditën e parë! Ndihmoni atë t’i kthehet rrjedhës së punës, duke e mbajtur të informuar me anë të mbledhjeve, emailave e formave të tjera! Përveç që ka qenë disa kohë larg punës edhe disa politika të kompanisë mund të kenë ndryshuar gjatë kësaj kohe.
Jini empatik: Largimi për shkak të sëmundjes mund të ketë ndikuar edhe në shëndetin mendor. Ofroni kujdes për këtë pjesë, duke i shfaqur simpati dhe duke e kuptuar, sepse mund të jetë ende duke e marrë veten!
Respektoni privatësinë e tyre: Mos i krijoni presion punonjësit/punonjëses duke i bërë shumë pyetje, ose madje edhe të veproni sikur asgjë nuk ka ndodhur. Lini hapësirë të tregojë aq sa dëshiron!
Si mund t’i shkruani letrat apo emailet?
Këto tekste mirëseardhjeje nuk kanë pse të jenë të gjata. Filloni me një paragraf të shkurtër duke i uruar mirëseardhje dhe duke i bërë me dije se i kanë munguar kompanisë. Pastaj, ofroni ndihmë dhe këshilla gjatë këtij trazicioni.
Email i papërcaktuar i mirë se ardhjes
E dashur Teuta,
Mirë se u ktheve në ekip! Na ka munguar që të punojmë me ty këta muajt e fundit dhe jemi shumë të lumtur që u ktheve!
Nëse ke ndonjë pyetje gjatë kësaj kohe të përshtatjes, të lutem mos hezito të pyesësh! Jam i gatshëm për gjithçka që të nevojitet!
Gjitha të mirat,
Agroni
Shembull i emailit për largim për shkak të sëmundjes
E dashur Teuta,
Mirë se u ktheve! Jemi shumë të lumtur që u ktheve në HumanPower (emri i kompanisë). Na ke munguar të gjithëve dhe mezi kemi pritur të kthehesh në mesin tonë! Ishim shumë të shqetësuar për ty gjatë mungesës tënde, madje jemi shumë falënderues që je shëruar kaq shpejt!
Merr cilën kohë të duash që të punosh, derisa të jesh gati! Jemi shumë me fat që do të na bashkohesh shpejt!
Gjitha të mirat,
Agroni
Shembull i emailit pas pushimit të lehonisë
E dashur Teuta,
Është e mrekullueshme të kemi përsëri në mesin tonë, pas pushimit të lehonisë! Shpresoj që gjithashtu Flora t’i ketë kryer të gjitha punët në mënyrën më të mirë, gjatë mungesës tënde! Keni bërë kaq shumë për të gjithë këtu saqë të gjithëve iu ka munguar kjo. Jemi të gjithë të lumtur që po na kthehesh!
Urime për vajzën e ëmbël dhe të shëndetshme! Ajo është një foshnjë kaq e dashur dhe jam shumë i lumtur që ta kemi dhënë mundësinë që të jesh afër saj për disa muaj!
Më të mirat,
Agroni/KP