Qeveria e Kosovës e ka miratuar draftin e strategjisë së arsimit për vitet 2022 – 2026.
Sipas ministres së Arsimit, Arbërie Nagavci, u janë dashur nëntë muaj që të vijnë me këtë strategji, që numëron pesë prioritete në pesë fusha.
“Dokumenti i strategjisë së arsimit është i organizuar në pesë fusha prioritare tematike: edukimin për fëmijëri të hershme, arsimin parauniversitar, arsimin dhe aftësimin profesional dhe arsimin e të rriturve dhe arsimin e lartë dhe digjitalizimin e arsimit”, ka thënë Nagavci.
“Në pajtim me standardet e planifikimit, për secilën nga këto fusha është përcaktuar nga një objektiv strategjik, që është zbërthyer pastaj në objektiva specifikë. Është hartuar edhe plani i veprimit dhe është vlerësuar kostoja financiare e zbatimit të kësaj strategjie, e cila është në lartësi prej 323 milionë eurove, ndërkaq deri më tani janë siguruar rreth 70% të kësaj shume”.