Dhjetëra pjesëmarrës u mblodhën dhe ngritën duart që t’i luten Perendisë, gjatë hapjes së një hoteli në Prizren.
Në mesin e pjesëmarrësve ishte edhe Zëvendëskryeministrja Emilia Rexhepi bashkë me disa zyrtarë të Komunës së Prizrenit, shkruan Gazeta Sinjali.
Këtë ceremoni e drejtonte kryetari i Këshillit të Bashkësisë Islame në Prizren, Besim Berisha i cili lutej që fitimi nga ky biznes të jetë me ‘hallall’.
“O Zot i gjithësisë, ashtu siç këta kanë vendosur që ky vend të jetë i hallallit, pa alkool dhe pa harame të tjera, o Zot mundësoja që edhe fitimin ata dhe fëmijët e tyre ta kenë prej hallallit”, lutej ai.
Zëvendëskryeministrja Emilia Rexhepi tha se ky investim në Prizren është nga komuniteti joshumicë, prandaj sipas saj kjo do ta ndihmojë turizmin e këtij qyteti.