Zënkat e familjes së gruas me dhëndrin, janë të shpeshta në vendin tonë. Madje shpesh herë ato nuk marrin fund, as atëherë kur çifti vendos të ndahet. Një rast i tillë ka ndodhur mbrëmë në Podujevë, raporton Gazeta Sinjali.
37-vjeçari për motive ende të panjohura ka kërcënuar seriozisht ish dhëndrin e tij, të cilit i ka drejtuar armën e zjarrit.
Sinjali mëson se i dyshuari përpos që kërcënoi me armë viktimën, e ka ndjekur atë me një mjet të fortë në dorë e më pas ia dëmtuar derën e shtëpisë.
Përballë kësaj situate, 35-vjeçari ka kërkuar ndihmën e Policisë së Kosovës, me ç’rast i dyshuari është arritur që të arrestohet.
Ndërkohë Policia në koordinim me Prokurorinë kanë kryer bastisje në shtëpinë e të dyshuarit, mirëpo nuk kanë gjetur asgjë të dyshimtë.
I dyshuari është shoqëruar në stacion policor për intervistim, ku ndaj tij është iniciuar rasti për veprën penale ‘Kanosje’.
Pas përfundimit të procedurave policore, Prokurori i Shtetit ka urdhëruar që të dyshuarit t’i caktohet masa e ndalimit në kohëzgjatje prej 48 orësh.