Përfaqësuesit e Listës Serbe, kryetari Goran Rakiq dhe nënkryetarët Dalibor Jevtiq dhe Igor Simiq zhvilluan një takim online sot me zyrtarin e lartë të SHBA-së për Ballkanin Matthew Palmer dhe ambasadorin e SHBA-së në Prishtinë Philip Kosnett.
Rakiq me këtë rast tha se ai pret që palët në Prishtinë të respektojnë rezultatin e Listës Serbe dhe se është thelbësore për serbët në Kosovë të vazhdojë dialogu midis Prishtinës dhe Beogradit sa më shpejt të jetë e mundur, dhe zbatimin e marrëveshjeve të arritura, thuhet në një postim të Listës Serbe në Facebook./KosovaPress