Përfaqësuesi Special i Bashkimit Evropian për dialogun Kosovë-Serbi, Miroslav Lajçak, gjatë ditës së dytë të vizitës së tij në Kosovë është takuar me krerët e partive opozitare.
Përmes një postimi në Twitter, Lajçak ka bërë të ditur se në takimet e tij me krerët e opozitës është informuar për gjendjen e dialogut dhe opinionet e vlerësimet e tyre.
Ai ka thënë se e mirëpret mbështetjen e opozitës për dialogun mes Kosovës dhe Serbisë.
“Në ditën e dytë në Kosovë u takova me lidershipin e partive kryesore opozitare shqiptare të Kosovës për tu informuar mbi gjendjen e dialogut dhe për të dëgjuar opinionet dhe vlerësimet e tyre. E mirëpres mbështetjen e tyre të fortë për Dialogun”, shkroi Lajçak.
Lajçak një ditë më parë ka takuar kryeministrin Albin Kurti, derisa në ditën e dytë të vizitës në Kosovë, ai ka takuar liderët opozitarë në vend, Memli Krasniqin, Lumir Abdixhikun e Ramush Haradinajn.