Gazeta Sinjali dje raportoi për një sulm fizik që ndodhi të martën mbrëma në parkingun e marketit ‘Viva Fresh’ te rruga ‘B’ në Prishtinë, ku viktimë ishte një vajzë 22-vjeçare. Ajo dyshohet se u rrah brutalisht nga një person, i cili më pas u arrestua.
Burimet e Gazetës Sinjali brenda Prokurorisë kanë bërë të ditur se i dyshuari për sulmin ndaj vajzës së re është Refki Hajzeri, 34-vjeçar.
Hajzeri nuk dihet se çfarë raporti ka me viktimën, e po ashtu mbetet ende i panjohur motivi që e shtyu ta sulmojë 22-vjeçaren.
Hajzeri fillimisht u arratis, por pas një periudhe të shkurtër, ai është dorëzuar në Polici, ku ka dhënë deklaratë në lidhje me rastin dhe më pas është dërguar në mbajtje për 48 orë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata. /Sinjali