Deputetët e Kuvendit të Republikës së Kosovës sot do të mblidhen sërish për të vazhduar seancën e djeshme, raporton Gazeta Sinjali.
Në rend dite, pos tjerash, është edhe Shqyrtimi i Mocionit për shkarkimin e Bordit të Zyrës së Rregullatorit për Energji.
Po ashtu do të shqyrtohet edhe Projektligji për Agjencinë për parandalimin e korrupsionit dhe Projektligji për deklarimin, prejardhjen dhe kontrollin e pasurisë dhe të dhuratave.
Opozita kishte thirrur debat parlamentar për shkak të inflacionit, i cili sipas të dhënave të Agjencisë së Statistikave të Kosovës tashmë është rritur në 12.5 për qind teksa sipas indeksit të harmonizuar të çmimeve të konsumit është rritur për 0.9 për qind.
Kryeministrit, Albin Kurti, iu kërkua që të ndërmerrte masa, derisa ai tha se “inflacioni është i importuar”, prandaj Qeveria e Kosovës s’mund të bëjë shumë.