Shefja e Grupit Parlamentar të Vetëvendosjes [VV], Mimoza Kusari-Lila, ka lëshuar një sulm ndaj mediave për raportimet për punësimet e aktivistëve të VV-së në Koportatën Energjetike të Kosovës [KEK].
Kusari-Lila ka thënë se mos të bëhet abuzime me informatat.
“Ne së pari kemi pasur një konkurs në KEK. Domethënë institucioni i konkursit që nuk është respektuar me vite të tëra nga partitë e tjera në pushtet në ndërmarrje publike është respektuar. Ekziston një proces i ankimit dhe ekzistojnë mekanizma që të gjitha palët që kanë vërejtje në kuadër të konkursit kanë mundësi ti parashtrojnë ato. Njëjtë sikurse ministrja e drejtësisë ka deklaruar më herët se edhe në rast se ka bazë për prokurime që në mënyrë të pavarur të gjitha institucionet relevante t’i kryejnë detyrat e veta. Çfarëdo që themi ne në raport me epilogun e këtij procesi do të ishte e ngutshme për arsye se nuk janë të ditura të gjitha elementet”.
“Prandaj inkurajojmë të gjitha palët e përfshira shoqërinë civile, mediet që para publikimit të informacioneve mos të abuzojnë me informata. Ne kemi pasur dy deputet të afërmit e të cilëve janë përfolur për punësim në KEK të cilët nuk kanë rezultuar të vërteta aq më shumë që njëri në referencë as nuk gjendet fizikisht i vëllait në Kosovë fare nuk jeton këtu përderisa i është përfolur emri se është punësuar. Domethënë duhet të jetë një llogari e të gjitha palëve të përfshira nëse jemi të interesuar që të kemi procese transparente dhe kredibile dhe të gjithë të mbahemi përgjegjës për detyrat dhe përkushtimet tona”, tha ajo për Ekonomia Online.
Përndryshe, puënsimet e aktivistëve të VV-së në KEK ngjallën shumë reagime, duke kërkuar që të anulohet krejt konkurs dhe të hetohet për manipulimet./Nacionale