Kryeministri i Kosovës, Albin Kurti përmes një postimi në faqen e tij zyrtare në Facebook është deklaruar pas vendimeve të marra në mbledhjen e sotme të Qeverisë.
Ai thotë se sot rregulluan kalimin e kufirit shtetëror për qytetarët me dokumente personale të lëshuara nga autoritetet e Serbisë, si dhe veturat me targa të regjistrimit të Serbisë.
Kurti ka shtuar se do të vlejë masa e ngjitësve në targa deri më datën 31 tetor.
Ndërkaq përmes një vendimi tjetër në mbledhjen e sotme mundësuam regjistrimin e automjeteve me targa RKS për të gjitha automjetet e pajisura me targat “PR”, “KM”, “PZ”, “GL”, “UR”, “PE”, “DA” apo “ĐA” nga 10 qershori 1999 deri më datë 21 prill 2022. Regjistrimi do të fillojë më 1 gusht 2022 dhe do të zgjasë deri më 31 shtator 2022. Ky vendim ka karakter të papërsëritshëm pas përfundimit të periudhës së vlefshmërisë”, ka thënë Kurti.