Lëvizja Vetëvendosje është duke mbajtur sot zgjedhjet e brendshme të partisë.
Në mëngjesin e sotëm për të votuar ka shkuar edhe kryetari aktual i kësaj partie, Albin Kurti.
Ndërkohë ka votuar edhe kandidatja për kryetare të organizatës së gruas të Vetëvendosjes, Albulena Haxhiu, e cila ka kërkuar nga anëtarët që të votojnë për organet e reja dhe përfaqësuesit e ardhshëm të Vetëvendosjes.
“Sot është ditë e demokracisë në Lëvizjen VETËVENDOSJE!, ku secili prej nesh, si anëtarë të Lëvizjes, ushtrojmë të drejtën tonë për të vendosur për organe e struktura të reja dhe për përfaqësuesit tanë.
Ftoj të gjithë anëtarët që të shfrytezojnë këtë të drejtë dhe të bëhen pjesë e vendimarrjes, për të vendosur jo vetëm për lëvizjen por edhe për vendin përmes votimit të tyre në organizatën politike më të madhe në vend.
Sivjet për herë të parë po themelojmë edhe organizatë atë të rinisë dhe gruas.
Përmes organizatës së gruas, do të çojmë në një nivel tjetër betejën tonë për barazi shoqërore e gjinore.”, ka shkruar Haxhiu.