Kryeministri i Kosovës Albin Kurti veç marrëveshjeve të nënshkruara me Shqipërinë e temës së Ballkanit të Hapur, ka folur pas mbledhjes së dy qeverive edhe për ish-krerët e UÇK-së që janë në paraburgim në Hagë, ku po akuzohen nga Gjykata Speciale për krime lufte.
Kurti ka thënë se e ka parë të rrugës t’i takojë avokatët e tyre, duke vlerësuar se paraburgimi i tyre është stërzgjatur.
“Unë kam vlerësuar që është më e udhës t’i takojë avokatët e tyre mbrojtës të të gjithë luftëtarëve të UÇK-së që janë në paraburgim në Hagë, në një paraburgim të stërzgjatur sepse ka kaluar 1 vit e gjysmë prej se mbahen në paraburgim ndërkaq Kryetari i Kuvendit Glauk Konjufca i ka takuar ata dhe unë ende nuk kam arritur që të takohem me të pas vizitës që ka bërë dhe këtë do ta bëjë sonte”, tha Kurti.
Ndërkaq, Thaçi e Veseli kanë takuar Kryetarin e Kuvendit Glauk Konjufca, i cili dje i vizitoi ata, një ditë pasi takoi Rexhep Selimin, Jakup Krasniqin e Pjetër Shalën.