Deputetja e Kuvendit nga radhët e Aleancës për Ardhmërinë e Kosovës (AAK), Time Kadrijaj, ka reaguar pas emërimit zëvendësministër të një ish-ushtaraku serb nga kryeministri Albin Kurti.
Kadrijaj ka thënë se me kohë është alarmuar se kjo qeveri është antikombëtare.
“Albin Kurti paska emëru për zëvendësministër një ushtarak të ushtrisë serbe, i cili e paska pohuar vet që ka qenë pjesë e kësaj ushtrie gjatë kohës që shqiptarët vriteshin e masakroheshin. Se kjo qeveri është antikombëtare kemi alarmuar qysh herët, nisur nga urrejtja për ata që kanë udhëhequr luftën dhe nga diskriminimi që i bëhet veteranëve”, është shprehur Kadrijaj.
Në një njoftim për media Qeveria e Kosovës më 23 maj të këtij viti kishte bërë të ditur se kryeministri Albin Kurti ka emëruar Radoica Radomiroviq si zëvendësministër për Komunitete dhe Kthim.