Kryesia e Kuvendit mblidhet në ora 14:30, seanca për presidentin mbahet sot

- in Lajme

KosovaPress ka mësuar se kryesia e Kuvendit do të mblidhet në ora 14:30. Shefat e grupeve parlamentare kanë pranuar mesazh se duhet të paraqiten në ambientet e Kuvendit.

Të njëjtëve nuk iu është thënë se për çfarë është thirrur mbledhja e kryesisë, por vetëm se ajo do të mbahet.

Burime të KosovaPress pranë LVV-së konfirmojnë se sot do të thirret seancë e jashtëzakonshme për zgjedhjen e presidentit gjatë orëve të pasdites.

Ndryshe, LDK ka premtuar se do të marrë pjesë në votimin për zgjedhjen e presidentit të ri me kusht që të tërhiqet Ligji për Zgjedhjet i cili u tentua të ndryshohet mbrëmë./KP