Kryeministrja e Serbisë, Ana Bërnabiq, ka planifikuar që të hënën të vizitojë Kosovën, raporton Gazeta Sinjali.
Mediat serbe raportojnë se sipas njoftimit të Kryeministrisë së Serbisë, Bërnabiq do ta vizitojë veriun e Kosovës, manastirin e Zveçanit dhe komunën e Leposaviqit.
“Vizita është paralajmëruar të enjten më 1 shtator, 72 orë para vizitës, në përputhje me marrëveshjen zyrtare. Vizita e kryeministre serbe synon të përcjellë mesazhe për ruajtjen e paqes dhe stabilitetit”, thuhet në mediat serbe.
Ndërkohë, nuk dihet nëse Kosova ka aprovuar kërkesën e kryeministres së Serbisë. Nëse kjo aprovohet, për Bërnabiq do të jetë hera e parë që viziton Kosovën.