Kompania Rajonale e Ujësjellësit “Gjakova” apelon tek qytetarët për më shumë kujdes për rrjetin e kanalizimit.
Zëdhënësja e KRU “Gjakova”, Dafina Syla-Dina kërkoi që mos të hedhin mbetje inerte në rrjetin e kanalizimit pasi në këtë mënyrë po dëmtohet infrastruktura e kanalizimit.
Ajo tha se rastet e bllokimit të pusetave të rrjetit të kanalizimit në Gjakovë, Rahovec janë të shpeshta. Syla-Dina ka theksuar edhe se abuzimet me kanalizim po ndodhin si pasojë e vetëdijesimit të ulët të qytetarëve sa i përket rrjetit të kanalizimit.
Syla-Dina: Mbetjet inerte të mos hedhen në kanalizim
Video
“Abuzimet me kanalizim fatkeqësisht janë të shpeshta kjo si pasojë e vetëdijesimit të ulët të qytetarëve sa i përket rrjetit të kanalizimit. Rrjeti i kanalizimit nuk është funksional nëse vendosim mbetje inerte në sistemin e kanalizimit i cili nuk është i projektuar për t’i absorbuar të gjitha këto mjete inerte. Andaj apelojmë tek qytetarët të kenë kujdes në rrjetin e kanalizimit. Mbetjet e ndryshme nuk duhet të hidhen në kanalizim, duhet të hedhen në kontejner të bërllokut sepse si pasoj e kësaj jemi duke ardhur çdo ditë e më shumë në prishje të infrastrukturës së rrjetit të kanalizimit”, tha ajo.
Syla-Dina tregon se intervenimet për debllokim të kanalizimit nuk po bëhen vetëm në qytetin e Gjakovës por në gjithë zonën operative ku operojnë.
Syla-Dina: Intervenimet në debllokim të kanalizimit nuk po bëhen vetëm në qytetin e Gjakovës
VIDEO
“Jemi në lagjen Brekoc ku KRU ‘Gjakova’ është duke intervenuar në debllokim të kanalizimit. Këto intervenime janë shumë të shpeshta jo vetëm në qytetin e Gjakovës, por më gjithë zonën operative ku ne operojmë si në Rahovec, Gjakovë si dhe një pjesë e Prizrenit” . /B.Ibishi/KosovaPress