Kryetari i Aleancës për Ardhmërinë e Kosovës, Ramush Haradinaj e ka komentuar videon e fundit të publikuar nga Lëvizja Vetëvendosje, ku flitet për sektorin energjetik.
VV në videon e publikuar kërkon nga opozita që të i kursejë “nga zhurma” sepse sipas tyre pushtetet e kaluara e kanë lënë Kosovën në terr.
Haradinaj në Rubikon e ka komentuar këtë video duke thënë për VV-në se “krimineli u kthye në vendin e krimit”.
“Krimineli po kthehet në vendin e krimit, kjo çfarë kanë bërë këta, po kthehen në vendin e krimit. E kanë penguar investimin në qymyr, LVV-ja deri në ardhjen në qeveri e kanë penguar Kosovën me pasë një kapacitet të ri, Qeveria Haradinaj e ka kryer parkun me erë në Shalë”, tha ai.
Haradinaj pretendoi se edhe ky projekt do të pengohej nga Lëvizja Vetëvendosje, po të kishin këta mundësi.
“Ndoshta edhe atë e kishin pengu, por nuk e kanë zënë në kohë. Paren që ua kanë vjedhë qytetarëve, që është paraparë të shkojë te ata, atë para të vjedhur, këta do ta dërgojnë në Serbi, do t’i shtohen 500 milionit të importeve nga Serbia”, tha ai.