Lou Ottens, krijuesi i audio-kasetës dhe një pionier i teknologjisë CD, vdiq në moshën 94-vjeç në shtëpinë e tij në Duisel në Holandën veriore.
Sipas shtypit holandez të lajmeve NRC Handelsblad, Ottens vdiq të shtunën e kaluar.
Audio-kaseta ishte përgjigjja e Ottens për shiritat e mëdhenj në mbështjellës që siguronin tingull me cilësi të lartë, por që shiheshin shumë të dobëta dhe të shtrenjta.
Ai mori përsipër sfidën e zvogëlimit të teknologjisë së shiritave në fillim të viteve 1960, kur u bë kreu i zhvillimit të produktit të ri në Hasselt, Belgjikë, për kompaninë teknologjike Philips me bazë në Holandë.
“Lou donte që muzika të ishte e lëvizshme dhe e arritshme”, tha regjisori i dokumentarit Zack Taylor, i cili kaloi ditë me Ottens për filmin e tij “Cassette: A Documentary Mixtape”.
Qëllimi i Ottens ishte të bënte diçka të thjeshtë dhe të përballueshme për këdo. Siç thotë Taylor, “ai mbrojti Philips që të licencojë këtë format të ri për prodhuesit e tjerë falas, duke hapur rrugën që kasetat të bëhen një standard në të gjithë botën”./KosovaPress