Këtë të hëne në Kosovë po qëndron një delegacion i Shteteve të Bashkuara të Amerikës, e cila po kryesohet nga Karen Donfried, asistente e Sekretarit të Shtetit, Antony Blinken, për çështje europiane dhe euroaziatike, dhe Escobar, emisar special i SHBA-së për Ballkanin Perëndimor.
Pas takimit me liderët shtetëror, përkatësisht presidenten Vjosa Osmani dhe kryeministrin Albin Kurti, delegacioni amerikan takon edhe liderët e opozitës.
Siç merr vesh Gazeta Nacionale, Kryetari i PDK-së, Memli Krasniqi, i pari i LDK-së, Lumir Abdixhiku dhe lideri i AAK-së, Ramush Haradinaj janë në një darkë nga ana e Donfried dhe Escobar në Ambasadën Amerikane në Prishtinë./Nacionale