Partitë e pozitës dhe opozitës janë shprehur për e kundër shkarkimit të bordit të ZRrE-së në seanën e thirrur për këtë çështje, në Kuvendin e Kosovës. Por, çka është kjo zyrë që mban akronim të zorshëm e megjithatë një prej më të dëgjuarve në vend?
Megjithatë mocioni i inicuar nga Lidhja Demokratike e Kosovës (LDK) nuk kaloi në Kuvendin e Kosovës. Nga 75 deputetë që morën pjesë në votim, 22 nga ta votuan “pro” e 55 “kundër” shkarkimit të bordit.
Shkak për këtë iniciativë të opozitës u bë kriza energjetike në vend dhe vendimi i ZRrE-sw që t’i rriste çmimet e faturave për energjinë elektrike.
Armend Zemaj nga LDK u shpreh se “dy gjykata e kanë rrëzuar vendimin për rritjen e çmimit të energjisë, që është marrë pa asnjë mbështetje. Bordi duhet të shkarkohet.”
Çka është Zyra e Rregullatorit të Energjisë?
Rregullatori i Energjisë është institucion i pavarur i cili ushtron kompetencat për rregullim të sektorit të energjisë, si pjesë e institucioneve të Republikës së Kosovës dhe është i ndarë në aspektin ligjor e funksional nga çdo person tjetër fizik apo juridik. Ai u themelua në vitin 2004, në Kuvendin e Republikës së Kosovës, prandaj, është obligim i Rregullatorit që t’i raportoj në mënyrë të rregullt çdo vit por dhe kohë pas kohe sipas kërkesës së Kuvendit.
ZrrE, thënë me fjalë tjera, vendos edhe kur iu rriten çmimet e energjisë elektrike.
Bordi
Vendimet e Rregullatorit merren ngaBordi i tij.
Bordi i Rregullatorit përbëhet nga 5 anëtarë, njëri prej të cilëve zgjidhet Kryesues. Kryesuesi dhe anëtarët e Bordit emërohen nga Kuvendi i Republikës së Kosovës dhe kanë mandat pesëvjeçarë me mundësi të zgjedhjes edhe të një mandate tjetër.
Bordi i Rregullatorit është përgjegjës për marrjen e të gjitha vendimeve për rregullimin ekonomik të sektorit të energjisë.
Rregullatori financohet nga taksat e inkasuara nga proceset e licencimit dhe aktivitetet e tjera administrative ashtu siç përcaktohet me Ligjin për Rregullatorin e Energjisë.
Përgjegjësitë e Rregullatorit
Rregullatori miraton metodologjitë të cilat shfrytëzohen për t’i llogaritur apo për t’i përcaktuar kushtet dhe kriteret për: lidhje në rrjetin e energjisë, tarifat për trasmetim dhe shpërndarje si dhe të gjitha metodologjitë e tjera për funksionimin e sektorit të energjisë.
Pra, rregullatori është përgjegjës për funksionimin e sektorit të energjisë në vend si dhe përcakton kushtet se si ai të funksionojë.
Detyrat e tjera të rregullatorit janë që të sigurojë shërbimet me energji, të sigurojë qasje në infrastrukturë ndërkufitare, vendosjen e detyrimit të shërbimit publik në licencën e cilitdo furnizues, duke e obliguar atë furnizues që t’i furnizojë konsumatorët me një cilësi të caktuar dhe me kushte të rregulluara, përkujdeset për funksionim transparent dhe jodiskriminues të tregjeve të energjisë, duke u bazuar në parimet e tregut të lirë, sa u përket aktiviteteve konkurruese dhe aktiviteteve të rregulluara, licencon ndërmarrjet që operojnë në sektorin e energjisë në vend monitoron dhe përmirëson sigurinë e furnizimit me energji elektrike, siguron që aktivitetet e energjisë kryhen në mënyrë transparente dhe jodiskriminuese etj.
ZRrE – Çmimet –Pakënaqësitë
Çmimi i energjisë elektrike përcaktohet pikërisht nga kjo zyrë, e që determinohen, nga disa faktorë: kosto operative, mirëmbajtja, importi dhe faktorë të tjerë.
Në bazë të këtyre faktorëve, sigurisht e ndikuar nga kriza globale që pasoi pas invazionit të pa prokovuar rus në Ukrainë, ZRrE me datë 9 shkurt të këtij viti, vendosi t’i shtrejtojë faturat.
Kjo solli pakënaqësi, e reagim qytetar, që u kurorëzua me një padi në Gjykatë, nga partia më e madhe opozitare, Partia Demokratike e Kosovës kundër ZRrE-së.
Gjykata Themelore, vendosi, t’i vë masë të përkohshmë kësaj lënde, që i binte, rikthim i faturave të lira, deri në një vendim tjetër, e përfundimtar të gjykatës. Lënda u dërgua në Apel. Edhe aty u ndoq logjika e njejtë. Masë e përkohshme, fatura të lira.
Gjykata Supreme, në mënyrë krejt të pazakontë, vendosi ta heq masën e përkohshme për këtë lëndë, e të vazhdohet me fatura të shtrenjta, deri në një vendim përfundimtar të gjykatës.
Në anën tjetër, Zyra e Rregullatorit për Energji, menjëherë pas vendimit të supremës, ka lëshuar komunikatë për medie, duke precizuar se me këtë vendim, faturat e shtrenjta do të mbesin në fuqi.
“Zyra e Rregullatorit për Energji, njofton opinionin se Gjykata Supreme përmes Aktgjykimit ARJ nr.45/2022, ka ndryshuar Aktvendimin e Gjykatës së Apelit dhe Aktvendimin e Gjykatës Themelore në Prishtinë, dhe ka refuzuar si të pabazuar kërkesën-propozimin e paditësit, për shtyrjen e ekzekutimit të Vendimit të Zyrës së Rregullatorit për Energji. Përmes këtij Aktgjykimi të Gjykatës Supreme, vendimi i Bordit të Zyrës së Rregullatorit për Energji i marrë me 8 shkurt 2022, mbetet në fuqi”, thuhet në komunikatën e tyre.
E Partia Demokratike e Kosovës ka paralajmëruar se nuk do të ndalen këtu. Ata me anë të avokatit të autorizuar të tyre, kanë mbajtur një konferencë për medie, nga ku informuan publikun se kjo çështje, do të jetë subjekt edhe i Gjykatës Kushtetuese.
“Tashmë, i autorizuar nga PDK-ja, unë kam filluar procesin e shqyrtimit të këtij vendimi dhe të njëjtin do ta dërgoj në Gjykatën Kushtetuese brenda dy javëve të ardhshme”, ka thënë avokati Faton Fetahu./Nacionale