Deputeti Memli Krasniqi nga Partia Demokratike e Kosovës, pas seancës së Kuvendit për Ligjin për Zgjedhjet, tha se sonte kanë parandaluar ngufatjen e demokracisë, meqë siç tha ai nga pushteti u ushtrua presion dhe shantazh.
Krasniqi: Ne sot e parandaluam ngufatjen e demokracisë
“Ne sot e parandaluam ngufatjen e demokracisë. Ligji për Zgjedhjet duhet të ndryshohet vetëm pas një procesi gjithëpërfshirës. Sot u tentua që krejt ky proces të kontrabandohet brenda disa orëve duke ushtuar presion dhe shantazh mbi institucionet”, tha ai.
Krasniqi para mediave tha se seanca e sotme e jashtëzakonshme ishte e vullnetit të Albin Kurtit për zgjedhje.
Krasniqi tha se vendi do të ballafaqohet me situata ta tilla edhe në vazhdimësi, por qe siguroi se si opozitë nuk do të lejojnë këtë.
Ai shtoi se e vetmja arsyeje pse vendi mund të shkojë në zgjedhje është nëse Albin Kurti nuk mban përgjegjësi për zgjedhjen e presidentit.
Për kandidaten Vjosa Osmani, ai tha se mori pjesë në këtë mision.
Krasniqi: Ne nuk mund ta qojmë vendin në zgjedhje
“E vetmja arsyeja qe ky vend mund të shkojë në zgjedhje është mos-marrja e përgjegjësisë prej Kurtit për zgjedhjen e presidentit. Ne nuk mund ta qojmë vendin në zgjedhje, nuk kemi fuqi, nuk i kemi fituar zgjedhjet”, ka shtuar Krasniqi.
Më tej, ai tha se nuk kanë përgjegjësi për propozimin e kandidatit për president. Për këtë, ai shtoi se kryeministri aktual duhet të marrë përgjegjësi. /Sh.Pajaziti/KP