Për shkak të motit të ligë, sot në Gjilan, është rrëzuar një kran mbi një veturë në lëvizje dhe si pasojë tre persona janë lënduar.
Kështu ka bërë të ditur zëdhënësi i Policisë së Kosovës për rajonin e Gjilanit, i cili ka dhënë detaje.
“Më datën 28.07.2022, rreth orës 19:15 në qytetin e Gjilanit ka pasur Erëra të forta dhe shi, ku nga erërat e forta kanë pësuar lëndime në njerëz dhe dëme materiale të konsiderueshme. Në rrugën “Lufta e Gjilanit 44”, ka rënë një kran.
Vetura në lëvizje është e tipit Mercedes (pick-up), me tabela vendore, në veturë kanë qenë tre persona, shqiptarë/kosovarë, ku sipas mjekut gjendja e tyre është stabile. Në qendër të qytetit kemi edhe një person të lënduar, shqiptarë/kosovarë, gjendja është stabile, të gjithë të lënduarit janë duke u trajtuar në Emergjencë-Gjilan”, ka thënë ai.
Hasahani njoftoi se janë angazhuar të gjitha njësitet emergjente, policia, zjarrfikëset, ndihma e shpejtë dhe njësitet e KEDS-it.