Sot përmbyllet periudha e votimit përmes postës, ndërsa Komisioni Qendror i Zgjedhjeve është duke vazhduar të pranojë pako të supozuara me fletëvotime të cilat po vijnë nga jashtë vendit.
Sipas zëdhënësit të KQZ-së, Valmir Elezi, deri më tani numri i pakove të supozuara me fletëvotime që janë pranuar është 38 mijë e 339 pako.
Elezi ka bërë të ditur për KosovaPress se pranimi i këtyre pakove po bëhet me përcjelljen e Policisë së Kosovës si dhe vëzhguesve të subjekteve politike dhe organizatave jo-qeveritare të akredituara./KosovaPress