Inspeksioni, që vepron në kuadër të Ministrisë së Shëndetësisë të Kosovës, shoqëruar nga pjesëtarët e Policisë së Kosovës, kontrolluan në Qendrën Shëndetësore në Shtërpcë, e cila operon brenda sistemit shëndetësor të Serbisë, duke kërkuar vaksina kundër kovid-19, njoftoi sot Zyra për Kosovë.
Kërkimi u krye në Departamentin e Vaksinimit, ambulancën Kovid dhe Departamentin e Kirurgjisë, thuhet në njoftim, njofton Kossev.
Inspektorët thonë se ata nuk gjetën vaksina dhe drejtori i Qendrës Shëndetësore u paralajmërua se posedimi i vaksinave të fituara në mënyrë të paligjshme është një vepër penale.
Prokuroria Themelore në Mitrovicë, gjithashtu, njoftoi se ata kanë autorizuar policinë për të mbledhur informacion në lidhje me veprimet e mundshme kriminale të kontrabandës së barnave dhe aktiviteteve të paligjshme mjekësore, por hetimi zyrtar ende nuk është hapur zyrtarisht./RTK