Policia e Kosovës ka ndërmarrë një aksion policor, i cili përfundoi me shumë mallra të konfiskuara. Në mesin e mallrave të konfiskuara, e që dyshohet të jenë kontrabanduar, ka edhe ujë “zem zem”.
Përmes një komunikate për media, Policia ka njoftuar se kamioni, i cili dyshohet se nga territori i Maqedonisë ishte futur në territorin e vendit tonë në mënyrë ilegale po kontrabandonte ujë ‘zem-zem’ dhe mallra tjera.
“Në rastin e parë, ‘kontrabanda me mallra’, sot rreth orës 15:30, patrullat policore të Stacionit Policor për Mbikëqyrje të Kufirit-Zhegër, kanë identifikuar një kamion i cili dyshohet se nga territori i Maqedonisë ishte futur në territorin e vendit tonë në mënyrë ilegale. Në kamion kishte uji ‘zem-zem’ dhe mallra tjera të kontrabanduar. Kamioni drejtohej nga i dyshuari 29 vjeçar, mashkull kosovar. Kamioni me mall i është dorëzuar Doganës së Kosovës për procedura doganore”, thuhet në njoftim./Nacionale