Sot janë duke u zhvilluar zgjedhjet e brendshme në Lëvizjen Vetëvendosje, ku për të parin e kësaj partie po kandidon vetëm kryetari aktual, Albin Kurti.
Konjufca tha se kandidimi vetëm i Kurtit ishte qëndrimi i të gjithë anëtarëve të partisë, pa përjashtim.
“Për Kryetar të VETËVENDOSJE, sot vetëm Albin Kurti nuk ka kundërkandidat. Jo për shkak të asaj që thonë oponentët tanë politikë, por sepse ky ishte qëndrimi i të gjithë anëtarëve tanë të partisë, pa përjashtim. Shtoja kësaj që, kandidimi i dikujt vetëm sa për sy e faqe, nuk i shërben demokracisë, por përkundrazi e dëmton seriozisht atë”, ka shkruar Konjufca.
Vetëvendosje sot voton për kryetar të subjektit, për kryetar të organizatës Gratë për Vetëvendosje dhe kryetar për organizatën Rinia për Vetëvendosje dhe organet e njëjta në nivel të qendrës.
