Pas një sage në Kuvend të Kosovës, sot u zgjodh presidenti i pestë i Republikës së Kosovës, Vjosa Osmani-Sadriu me 71 vota për. Kryetari i Kuvendit të Kosovës, Glauk Konjufca, ka lexuar raportin e Komisionit për organizmin e procesit të votimit.
Kryetari Konjufca tha se Kuvendi e zgjodhi Presidente të Republikës së Kosovës, Vjosa Osmani – Sadriu, dhe ftoi presidenten e re për fjalimin e saj të parë para deputetëve.
Konjufca: Kuvendi e zgjodhi presidente të Republikës së Kosovës, Vjosa Osmani – Sadriu
“Bazuar në raportin që prezantoi Komisioni konstatoi që Kuvendi i Republikës së Kosovës e zgjodhi presidente të Republikës së Kosovës, Vjosa Osmani – Sadriu. E ftoj presidenten e Kosovës, Vjosa Osmani – Sadriu që ta bëj betimin para deputetëve të Kuvendit[…]Për hir të rendit që e kemi ju ftoj ta zini vendin ku ishit më parë t’ia urojmë bashkë me kryeministrin pastaj do ta lëshojmë himnin shtetëror të Kosovës dhe do t’iu ftoj për ta marrë një fjalë rasti”, theksoi Konjufca.
Dje ishte mbajtur seanca e jashtëzakonshme për zgjedhjen e presidentit, por në mungesë të kuorumit, sot ka vazhduar dhe është zgjedhur presidentja Osmani në raundin e tretë me 71 vota për.
Kundër kandidatë i Vjosa Osmanit ishte Nasuf Bejta, i cili mori zero vota në raundin e tretë.
/I. Shabani/KP