Fëllanza Podrimja, këshilltare politike e kryeministrit Albin Kurti në të shpeshta herë ka bërë postime skandaloze në profilin e saj Twitter. Target i cicërimave, jo fort të këndshme as për t’u lexuar kanë qenë miqtë ndërkombëtarë të Kosovës.
Postimi i saj i fundit, ndonëse pas disa minutash i fshier, është ky i sotit, në të cilin këshilltare Podrimja sulmoi ndihmës-sekretaren amerikane, Victoria Nuland. Aty, ajo ia kujtoi diplomates amerikane aeroplanët luftarakë të Vuçiqit ‘mig29’.
“Jo, s’është e vërtetë. Serbia nuk qëndron mirë, por jashtëzakonisht mirë me fqinjët e vet. Sidomos kur dërgon në kufi tanke dhe aeroplanë ushtarakë mig29”, ishte përgjigja pishmane e Fëllanza Podrimjas.
E ky reagim skandaloz i Podrimjës erdhi pas telefonatës që Nuland pati me presidentin serb, Aleksandër Vuçiq, për çka kishte njoftuar si në vijim:
“E kënaqur të flas me presidentin e Serbisë, Aleksandër Vuçiq, ku falënderova Serbinë pas mbështetjes së saj për Ukrainën dhe përkushtimin e sa në stabilitetin rajonal. Ne mirëpresim marrëdhëniet e mira të Serbisë me fqinjët dhe përparimin e vazhdueshëm në rrugën e saj evropiane,” .
Kujtojmë që kjo nuk është hera e parë që këshilltarja e Kurtit bën reagime të pamenduara mirë. Është edhe ai, kur para disa muajsh iu drejtohej Gjermanisë që ta marrin si shembull ish-ministrin e Shëndetësisë, Arben Vitia për mënyrën e menaxhimit të pandemisë. E që natyrisht, kuptohet që Kosova nuk i është afruar asnjëherë bile këtij shteti të fuqishëm me menaxhim të një situate të tillë.
Por, edhe në këtë rast, ishte bërë pishman dhe kishte dhënë pastaj këtë sqarim si më poshtë./PERISKOPI/
