Dy të rinj nga fshati Janjevë e komunës së Lipjanit kanë përfunduar në spital mbrëmë pasi u rrahën mes vete, raporton Gazeta Sinjali.
Burimet e Gazetës Sinjali bëjnë të ditur se ata janë dërguar në spital për të marrë ndihmën e nevojshme mjekësore si pasojë e lëndimeve të marra gjatë përleshjes.
Sinjali mëson se gjithçka ka ndodhur për shkak të një mosmarrëveshjeje mes 26 dhe 32-vjeçarit, të cilët kanë lidhje familjare, lidhur me një mal në atë zonë.
Lidhur me rastin është njoftuar edhe Policia e Kosovës të cilën kanë shoqëruar dy të dyshuarit në stacion për intervistim e që më pas ndaj tyre u iniciua rasti ‘Lëndim i lehtë trupor’.
Me vendim të prokurorit që të dyve u është caktuar masa e ndalimit në kohëzgjatje prej 48 orësh.