Gazetari Adriatik Kelmendi i ka reaguar ashpër këshilltarit të kryeministrit, Elvis Hoxhës, pas komenteve të tij fyese ndaj Rrahman Jasharajt dhe fjalorit të përdorur ndaj kosovarëve, shkruan Gazeta Metro.
Kelmendi i kapet pikërisht për fjalën “kosovarist” të cilën Hoxha e përdori disa herë.
“Këshilltari i kryeministrit i ofendon të gjithë qytetarët e Kosovës duke i quajtur kosovaristë. Serbët kur duan t’i ofendojnë shqiptarët i quajnë shiptari”, shkroi Kelmendi.
Ai po ashtu përmendi mosekzekutimin e pagave për mësimdhënësit dhe sektorëve të tjerë publikë.
Këtij këshilltari fashist dje i ka dalë rroga. Mësuesit të fëmijës sonë dhe mjekut të familjes sonë – jo! Idiotësi!”
Në fund, Kelmendi bën thirrje që Hoxha të shkarkohet.
“Kryeministri qysh sonte duhet ta shkarkojë fashistin që ofendon qytetarët e tij njëjtë siç i ofendon Serbia!”/gazetametro.net
.