Përdorimi i substancave narkotike ka marrë përmasa shqetësuese në Kosovë. Ato po përdoren me të madhe, sidomos nga të rinjtë të cilët shpesh kapen në flagrancë nga Policia, raporton Gazeta Sinjali.
E një rast i tillë ka ndodhur mbrëmë në rrugën ‘Gryka e Llapit’ në afërsi të fshatit Shtedim të komunës së Podujevës, ku Njësia e Reagimit të Shpejtë kanë ndalur një veturë për kontroll.
Gjatë kontrollit, te shoferi 20-vjeçar është gjetur substancë e dyshuar narkotike e llojit kokainë.
Kjo ka bërë që i riu të arrestohet dhe të shoqërohet në stacion policor për intervistim.
Sipas Kodit Penal të Kosovës, është e jashtëligjshme që qytetarët të blejnë, posedojnë apo shpërndajnë substanca narkotike dhe mund të dënohen me gjobë apo burgim, varësisht nga sasia dhe lloji i lëndës narkotike që iu kapet nga autoritetet e rendit.