Ekipi futbollistik ‘Llapi’ ka zhvilluar mbrëmë ndeshjen në kuadër të garave evropiane kundër Buducnostit, me ç’rast kishte një numër të madh tifozësh në stadiumin ‘Fadil Vokrri’ në Prishtinë, raporton Gazeta Sinjali.
Burimet e Gazetës Sinjali bëjnë të ditur se gjatë kontrollit të tifozëve nga sigurimi i stadiumit, është gjetur një armë e ftohtë, thikë, në çantën e një 24-vjeçari.
Lidhur me këtë është njoftuar Policia e Kosovës, të cilët kanë shoqëruar në stacion policor të dyshuarin. 24-vjeçari para hetuesve policorë ka deklaruar se thika është e shokut të tij, i cili po ashtu u shoqërua në stacion ku pranoi se mjeti i mprehtë i përket atij.
Me vendim të prokurorit, ndaj 25-vjeçarit është iniciuar rasti ‘Mbajtja në pronësi, kontroll ose posedim të paautorizuar të armëve’.