Jep dorëheqje një gjyqtar i Gjykatës Speciale

- in Lajme

Gjyqtari i Gjykatës Speciale të Hagës, Mihael Bolander ka dhënë dorëheqje.

Lajmi është bërë i ditur nga Gjykata Speciale përmes një postimi në rrjetin social Facebook.

“Sot, gjykatësi Mihael Bolander i dorëzoi Kryetares Ekaterina Trendafilova dorëheqjen e tij si gjykatës në Regjistrin e Gjykatësve Ndërkombëtarë të Dhomave të Specializuara të Kosovës (DHSK). Gjykatësi Bolander, i cili dha dorëheqje për arsye personale, deklaroi se ndihej i nderuar që kishte shërbyer si gjykatës i DHSK-së.

Kryetare Trendafilova shprehu mirënjohjen e saj të sinqertë për kontributin e gjykatësit Bolander në mandatin e DHSK-së, përfshirë edhe, së fundi, si anëtar i panelit të parë të Gjykatës Supreme”, thuhet në njoftim.

Bolander së fundmi kishte qenë anëtar i panelit të Gjykatës Supreme, që refuzuan kërkesën e Kadri Veselit për lirimin nga paraburgimi.

/GazetaSinjali/