Nuk janë të rralla rastet kur shoferët e autobusëve shkelin rregullat në komunikacion. Udhëtarët shpesh raportojnë parregullsi gjatë vozitjes së shoferëve, të cilët me veprimet e tyre, rrezikojnë jetën e qytetarëve, raporton Gazeta Sinjali.
E së fundi një rast tejet i pazakontë është raportuar në redaksinë e Gazetës Sinjali.
Sinjalizues të Sinjalit kanë dërguar pamje të autobusit të ‘Vata Tours’ në Tiranë, ku shihet shoferi që drejton autobusin me një atmosferë të ‘zjarrtë’.
Me ton të lartë të muzikës e drita ‘led’ që e bëjnë autobusin të duket si klub nate, ai këndon e kërcen gjatë kohës që është në timon.
Sikur kjo të mos mjaftonte, ai në duar mban edhe telefonin e tij mobil, teksa timonin e drejton vetëm me një dorë.
Brenda autobusit shihet se është një numër i madh i udhëtarëve që zbaviten me këtë lloj vozitje.
Madje kjo kompani turistike nuk ka hezituar që pamje të tilla të publikojë edhe në faqen e tyre zyrtare në rrjetin social Facebook.
“Vec kalimit te sigurte Vata Trans ju siguron ushqimin dhe diskoteken.lumturija juaj detyrimi yne”, thuhet në përshkrimin e videos.