Ish zëdhënësi i Partisë Demokratike të Kosovës Bashmir Xhemaj, i ka vizituar në Hagë ish-krerët e UÇK-së.
Xhemaj tha se ata e kanë uruar popullin e Kosovës në 23 vjetorin e çlirimit.
Përmes një postimi në rrjetin social facebook, ai tha se shokët e tij dukeshin në humor shumë të mirë.
“Çlirimtarët na urojnë për Ditën e Çlirimit. Të fala Kosovës – njëzëri duke na rrahur krahët”-tha Xhemaj.
“Presidenti Hashim Thaçi, me humorin që ia njohim prej konferencave për media e fushatave në terren, na shfaqet i njëjti. “Edhe …”- është shprehja që e rikthen gjallërinë e dhomës teksa përplasë duart. Nuk i shpëton asgjë shikimit të tij të mprehtë e kthjelltësisë së mendjes. I mbajtur në formë të mirë, edhe ai, si Kadriu, pyet e interesohet për miqtë e përbashkët. Megjithëse pa asnjë funksion, aty ndjehet pesha e njerëzve që kanë bartur mbi supe epoka të lavdisë e historisë tone”- shkruan Xhemaj.