Zëvendësministri i Mjedisit dhe Planifikimit Hapësinor, Hysen Durmishi, ditë më parë në një debat televiziv deklaroi se me pagën që e merr si zëvendësministër, mezi ia del ta kaloj muajin.
Mirëpo, ndryshe tregon deklarimi i pasurisë së tij në Agjencinë Kundër Korrupsion.
Durmishi të ruajtura në bankë i ka hiç më pak se 7 mijë e 980 euro para të gatshme.
Veç parave të gatshme, Durmishi ka patundshmëri në vlerë të majme, por që janë në pronësi të prindit.
Prindi i Durmishit, posedon shtëpi në vlerë prej 50 mijë eurosh, tokë punë në vlerë 72 mijë euro, truall në vlerën e 105 mijë eurosh dhe livadhe në vlerën e 40 mijë eurove.
Durmishi ndërkaq ka deklaruar se ka detyrime financiare ndaj një banke në shumën prej 10 mijë eurosh, që ka deklaruar se i ka huazuar në bankë për të investuar.
