Kryetari i PDK-së, Enver Hoxhaj ka përkujtuar personat e pagjetur, duke thënë se kjo ditë na e rikujton çmimin e lartë që po vazhdon të paguajë populli ynë për lirinë.
Përmes një postimi në Facebook, Hoxhaj thotë çdoherë do të jetë pranë familjeve të personave të pagjetur dhe nuk do të rresht së kërkuari drejtësi për të bëmat e regjimit gjenocidal serb që planifikoi shfarosjen e shqiptarëve.
“Në vend të deklaratave boshe e ikjes nga përgjegjësia, të gjithë presim nga Qeveria që ta ketë prioritet të parë dialogun Kosovë – Serbi dhe zbardhjen e fatit të pagjeturve tanë sa më parë.”, shkruan ai./KP