Kryeministri në detyrë, Avdullah Hoti, në një konferencë me ministren në detyrë të Financave, Hymete Bajrami ka shpalosur programin për rimëkëmbje ekonomike për vitin 2021.
Ai më këtë rast ka thënë se kanë marrë vendim për ndarjen e qindra miliona eurove. Hoti më tej ka shtuar se ky program ka 16 masa, duke përmendur se do të ketë edhe rritje të pensioneve.
“Kemi votuar një vendim të rëndësishme lidhur me masat për zbatimin e Ligjit për rimëkëmbjen ekonomike. Janë bërë konsultime me ministritë kryesore për zbatimin e këtij ligji”.
“…në shumë prej 6.5 milionë euro do të ndahen për bizneset e vogla, me procedura të shpejta. Kemi ndarë për MASh-in 5 milionë euro për organizimin e mësimit”.
“Mbështesim ministrinë e Kulturës në shumën prej 2.5 milionë euro. Gratë në biznes prej 1 milion euro. 50 milionë euro për shëndetësinë”.
“11 milionë euro për shtesat në paga. Ministrinë e Bujqësisë me 6 milionë euro. Për sektorin e gastronomisë 3 milionë euro.
“Komunave u kemi ndarë 7.9 milionë euro. Mbështesim ndërmarrjet publike me 21 milionë euro. Ndërmarrësit me 1 milion euro”, transmeton E.O.
“Ministrisë së Ekonomisë me 16 milionë euro. MZhR-së i jaën ndarë 6 milionë euro. Masa e fundit do të rrisim pensionet që janë nën 100 euro”.
Hoti ka thënë se respekton të drejtën e disa punëtorëve të administratës që janë në grevë për shkak të mos kënaqësisë për bashkimin e dy ministrive.
Poashtu ai ka thënë se në tubime po e bëjmë maksimumin për ruajtjen e distancës dhe mbajtjen e maskave.
Hoti gjithashtu foli edhe për dëmet që janë bërë nga vërshimet duke u shprehur se nuk ka pasur rast fatal si rezultat i këtyre vërshimeve.
“Me Fondin Emergjent do t’i ndihmojmë familjet që kanë pasur dëme dhe që s’kanë mundësi që të investojnë. Do të procedojmë nga fondi rezervë”.
Hoti ka thënë se ata nuk e hetojnë rastin e vjedhjes së 2 milionë eurove nga thesari i shtetit, por me atë çështje merret Prokuroria Speciale.
Kurse ministrja Hykmete Bajrami kjo nuk është fushatë politike.
“Të gjitha masat ishin të parapara më herët. Rritje prej 30 euro për secilin person që e ka nën pensionin nën 100 euro prej 3 muajve në vazhdim”.
“Personat në skema sociale do të kenë edhe për 3 muaj dyfishim të parave që marrin”, theksoi ajo./RTK