Ministrja e Drejtësisë, Albulena Haxhiu, edhe në konferencën për media që u mbajt sot, ka kërkuar sërish dorëheqjen e kryeprokurorit të Prishtinës, pas rastit të dhunimit të 11-vjeçares.
Haxhiu tha se po të vepronte Prokuroria me kohë, për rastin e qershorit ku viktimë ishte 11-vjeçarja, të dyshuarit do të arrestoheshin më herët.
“Siç e keni parë pas asaj që ka ndodhur ka pasur dy dorëheqje dhe ne urojmë që të ketë edhe të tjera, për faktin që siç e kuptojmë që ka edhe zyrtarë të tjerë që nuk i kanë kryer detyrat e tyre. Unë e kam kërkuar edhe dorëheqjen e kryeprokurorit të Prishtinës. Po të vepronte Prokuroria me kohë, ata persona do të arrestoheshin më herët. Është jashtëzakonisht e rëndësishme që kryeprokurori i Prishtinës të jap dorëheqje. Jemi duke identifikuar personat përgjegjës, që të marrim veprime ndaj tyre.”, tha Haxhiu.