Kryetari i Aleancës për Ardhmërinë e Kosovës, Ramush Haradinaj, ka reaguar pas arritjes së marrëveshjes për dokumentet për hyrje-dalje mes Kosovës e Serbisë, raporton Gazeta Sinjali.
Përmes një postimi në rrjetin social Facebook, Haradinaj ka thënë se marrëveshjet një nga një janë strategji e Serbisë për të blerë kohë e sipas tij për ta vonuar Kosovën, teksa ka theksuar se dakordimi për zbatimin e marrëveshjes së arritur në vitin 2011, është shenjë e vetëdijesimit.
Lideri i AAK-së është shprehur se interesi nacional është marrëveshja përfundimtare për njohje.
“Interesi shtetëror, nacional e qytetar i Kosovës është marrëveshja përfundimtare për njohje, e cila mund të arrihet vetëm me përfshirjen e drejtpërdrejtë të Shteteve të Bashkuara të Amerikës, pa ndihmën e të cilës nuk do të fillonte as zbatimi i marrëveshjes për dokumentet e identifikimit”, shkroi ai në Facebook.
Ndryshe, përfaqësuesi i Lartë i BE-së për Politikë të Jashtme, Josep Borrell ka bërë të ditur se Kosova dhe Serbia kanë arritur marrëveshje për dokumentet identifikuese. Serbia ka vendosur të pranojë dokumentet kosovare, me këtë rast duke u hequr pengesat për lëvizje të lirë për kosovarët.
Postimi i plotë i Haradinajt: